到今日（25號）公司仍然未出糧比我，已經過晒7日，我去問返主管，佢居然答我因為我無要求7日內出糧，所以份糧下個月頭先出（公司平時5號出糧）
我話勞工法例講明離職後7日要出糧，唔洗我自己要求掛？你地依家係拖糧，犯法

然後佢叫我打去人事部問，我問左果邊同事，佢地答我因為岩岩先收到我份離職表，所以依家先開始處理
佢地張離職表最底下寫明「離職申請表要即時email比人事部，下一個工作日要寄返正本去人事部」

我5號交表，依家20幾號先收到？？？

由1號返到14號，中間放左3日假期，主管同我講因為我4月無返足一個月，所以休息日係無薪，果3日假期無糧出，想問咁樣又岩唔岩？（我正常一個月係有6日假，我已經連續受僱三個月）

公司話我年假得2日，但我自己計過應該係有3日（受僱時間：由11月6號到4月14號，公司年假7日）我都無放過年假

我已經準備去勞資關係科申索，所以公司係咪應該出返4月1號-14號加3日年假既人工比我？

謝謝