而你現時的報告若果與公司的醫生所發的報告有所不同時，便需要與勞工處聯絡，讓勞工處安排醫生進行檢查判斷。

如閣下僱主停止支付4/5薪金而僱員覺得傷勢未有好轉，閣下應向勞工處提出要求醫生作檢查，判斷屬工傷是否已痊癒。一切爭議需根據勞工處所提供的醫生為準。

你好，請問你講既向勞工處要求醫生作檢查，係唔係即係判傷？定係我要另外要求搵醫生檢查？因為我一收到信之後，勞工處亦都打電話俾我，叫我去交假紙，我上到去之後，佢就幫我排期判傷，再同我講，我嘅工傷病假只可以去到判傷嗰日，因為生計問題，如果佢唔出5分4，我可能逼住要復工，而家最大問題係，我會唔會拎得返呢兩個月同去到7月判傷果日嘅5分4，如果判傷之後，係有機會拎唔番，我可能真係要未好返就復工，但又擔心未好返就復工，會好易再傷，謝解答。

我傷咗之後公司係話我懷疑工傷，我亦都已經去晒勞工處交資料，勞工處最後亦都判咗我係工傷，所以佢先出5份4俾我，但而家係出出下突然唔出，話之前1月見公司保險醫生既評估，話我冇進展，唔會再有進度，所以唔出俾我，因為之前一直睇公司保險俾既醫生同物理治療，睇睇吓就唔肯幫我約覆診，叫我去做評估，我有去，但之後我唯有自己去睇政府醫生，而假紙一直冇斷過，但3月尾就收到信話唔出，我想問公司係咪可以咁？我應該點做？唔該。

按法例，工傷病假錢計算至正式判傷之日終結。一旦正式判傷，勞工主任會於當日向工友作出聲明，工傷病假只會計到判傷當日為止。判傷後的工傷病假不會獲得4/5人工作作為補償。若工友判傷後繼續睇醫生並獲發病假，必須要以書面通知勞工處，待勞工處將新增病假交予醫生審查，然後才將新加的病假登記入證明書內，方可獲得承認為工傷病假。因此，建議 閣下聯絡勞工處查詢判傷及工傷病假情況。

你好，我上年7月整親隻手，有報工傷，之後一直睇醫生覆診同物理治療，病假冇斷過，公司亦都有出5分4糧俾我，今年一月去咗保險公司叫我睇嘅醫生度做評估，但3月尾收到保險公司嘅信，佢話經過佢醫生評估，我已經冇進展，適宜復工，所以停止向我發放按期補償5分4糧，即時生效，即之前2同3月都唔會出俾我，我想問我病假冇斷過，一直都有去醫生度覆診同物理治療，佢係咪可以唔出俾我？

按《僱員補償條例》，如僱主對工傷個案有所懷疑，或認為不須對意外事故負責，應該將有關的資料或理據，夾附於向勞工處處長呈報的表格內。勞工處僱員補償科會給予適切的協助和意見。
但請注意，勞工處對僱員補償的爭議並沒有裁決的權力。如僱傭雙方的爭議未能透過勞工處獲得解決，有關個案須交由法院裁決。

如 閣下對自己的工傷個案有任何疑問，建議致電2717 1771（此熱線由「1823」接聽）查詢，或聯絡就近的勞工處僱員補償科辦事處。