10/3同老闆提出辭職 問公司如果辭職需要什麼程序 如果即日離職會否扣人工 經理口頭應承唔會扣且會俾番1/3-10/3人工我 我答應即時離職 叫我加埋last day在辭職信上 且簽埋名（冇錄音）
臨收工時叫我入房 俾我簽完啲MFP終止合約 之後再講扣返完通知金 需要賠償返錢俾公司 由遞信下午3點鐘到臨收工5:55分 完全冇提及要我賠償的事情 入房後完全唔承認佢口頭上答應唔使扣錢的事 我同老闆講可以繼續做埋30天 反而話我已經簽咗日期同名係張辭職信上 冇得話唔辭就唔辭 仲要簽埋份賠償同意書 即刻要走
請問有冇辦法解決

據上述情況，建議同公司好好傾下，從新協議條款。
另外，經一事長一智，以後要留意
1)唔扣人工不等於不需支付「代通知金」。
2)如果公司要求你簽辭職信，寫明即日走，你就寫寫返你認為有嘅口頭協議喺入面，例如係:「 經勞資雙方協商，豁免通知期或通知金」等字眼，用以保障雙方。否則，冇白紙黑字，得口頭協議，就口同鼻拗啦。