我係散工，WHATSAPP入職前同我講$700/日，上去簽約變左40/小時＋津貼，一個月出兩次糧，9月上半個月出足$700，WHATSAPP依然寫$700/日，我10月1號早上同佢講我身體不適（我10月1號晚上原本要返工），10月所有更期都返唔到工，佢話我比唔到醫生紙就取消曬我9月份所有津貼，計返$40/小時，冇$700/日，但我9 月係返足曬工，佢有冇違返勞工法例？

當津貼係工資組成部分，你個合約津貼亦有特定發放條件，勞資雙方好應該入職前協商好，僱主唔能夠單方面更改津貼發放條件。呢度有機會中兩樣嘢：不合理的更改僱傭合約條款、非法扣薪。