勞工法例線上諮詢 - 勞工法例、病假、大假、月薪

勞工法例、病假、大假、月薪 (回覆)

勞聯權益委員會 — Thu, 05 Mar 2015 01:36:25 +0000

十分感謝閣下的查詢，口頭協議及書面的僱傭合約均有法律效力。
僱傭條例規定，僱員於僱傭合約終止時，僱主須支付工資給僱員以代替未曾放取的年假。僱主不能要求員工以未放取的有薪年假代替通知期。
如閣下僱主於工資期後7天內仍未支付薪酬，閣下可向勞工處投訴。

如有查詢，請聯絡勞聯辦事處權益幹事，電話27793766 黃生/蔡生

勞工法例、病假、大假、月薪 (回覆)

Wed, 04 Mar 2015 15:22:15 +0000

甘無合約下，點先可以知道其實自己返幾點至幾點？
因為有已離職同事，係滿一個月通告前一個禮拜，
就叫離職同事當補大假，早啲走。僱主無犯法？
因為我依家依然在職，我地已經曾經多次叫僱主岀糧，
佢話一直以黎都係十五號岀糧。我可以點？

勞工法例、病假、大假、月薪 (回覆)

勞聯權益委員會 — Wed, 04 Mar 2015 10:28:54 +0000

感謝閣下的查詢。根據僱傭條例，僱員應按僱傭合約內容工作。
連續性合約的僱員病假不少於連續4天，才可領取工資五分之四的疾病津貼。
僱傭條例的支付工資列明，工資在工資期最後一天完結時即到期支付，僱主必須盡快支付所有工資給僱員，在任何情況下不得遲於工資期屆滿後7天。故此公司發放工資期的時間明顯是取巧。閣下可向勞工處備案，待巡視及糾正公司的做法，或聯絡本會跟進。
根據強制性公積金計劃條例，僱主須就每段供款期（通常指工資期）計算僱員的有關入息和強制性供款款額，並從僱員的入息中扣除該款額作為僱員的強制性供款，以及撥出自己的資金作為僱主供款。僱主須於供款日或之前向強積金受託人繳付整筆強制性供款。如發現僱主未有導守法例，可致電強制性公積金計劃管理局作出投訴。
如有查詢，請聯絡勞聯辦事處權益幹事，電話27793766 黃生/蔡生

勞工法例、病假、大假、月薪 (回覆)

Wed, 04 Mar 2015 05:03:06 +0000

我曾於2015年2月14日請病假，僱主唔相信，並且話我係第二間公司上班，
並且曾經強迫我上班，我拒絕，因為我真係病。
我可告她嘛？

勞工法例、病假、大假、月薪

Wed, 04 Mar 2015 03:51:58 +0000

1.
我係2014年4月3號入職，公司直到依家都無簽任何合約。
返工時間應該為九至六。但時常七半至八先可以收工，並唔係因為我手頭上有job，而當我地六點走，佢就會話，你地個個都走哂，無人幫我，發脾氣。我想問係無合約下點先approve 到我地係返九至六？
我地無得補ot鐘，無ot錢補。
2.
老闆話需要跟足勞工法例，病假一天無人工，甘我係需要返多一日休息日或是扣該日日薪？
我係一星期放兩日例假。
3.
我想辭職，係一個月通知期內，僱主有無權叫我早走一個禮拜，作為補大假？
甘佢就唔需要另外俾大假錢，只需要俾月薪。
加上無合約下，我既大假應有幾多日？
4.
關於岀糧，我地係每月15號岀糧。
例如2月15日岀糧，係岀返1月1至1月31日既糧。
僱主可以拖15日糧嘛？
岀支票，但每個月總有一兩個人被彈票。
5.
僱主每個月都會係糧單上扣除5% MPF ，但就我所知，
我未有簽署過任何MPF文件，係米姐係僱主已犯法？
我係積金局打公司名，發現佢已經多次無幫員工供MPF。

甘依勞工法例，我去勞工處告佢，佢需要坐監嘛？