公司係做表演活動,有負責安排表演的同事入職時,簽咗約一星期返5.5日,但公司OFFICE只開5日, 老闆話嗰半日係出EVENT時用的,如果有EVENT就要返,無EVENT就唔洗返,咁個同事就以為如果星期六日無EVENT,老闆就會俾佢放假,唔會同個員工計。但後來返下返下先發現,原來如果星期六唔洗返時,老闆會扣起佢星期六嗰半日,當個員工請咗年假或事假,如果員工離職時係欠公司假期的話,老闆會要求員工賠錢。
咁樣計是否合法?
該員工一年年假只有7日,咁佢咪一入職嗰一年已經欠公司53 X 0.5 = 26.5日假?咁佢第二年咪無年假,仲要欠公司26.5-7=19.5日假?
員工可否要求如果員工欠公司工作天,公司要俾員工星期六返公司工作?
而如果公司不肯俾員工星期六返公司工作,員工可否要求公司不應因員工少返了的工作天賠錢俾公司?

多謝閣下的查詢，工作日及休息由僱主與僱員約定，如僱主額外給予僱員休息日，除非僱主特別說明為無薪假期外，僱主不可扣除僱員的薪金，如僱主非法扣除僱員薪金，僱員可向僱主追討。年假的發放，年假日期應由僱主在徵詢僱員或其代表後指定。僱主須至少在假期開始的14天前以書面通知僱員年假的日期；如雙方同意，可以較短時間通知。
如有其他查詢，可致電本會：2779 3766 黃先生/蔡先生