勞工法例線上諮詢 - 年終酬金問題

年終酬金問題 (回覆)

Wong — Fri, 10 Nov 2017 11:59:59 +0000

多謝你嘅回覆呀，事實上就係因為合約寫年終酬金個part好唔清晰，所以我先唔清楚依個情況辭職，雙糧係咪我可以收到嘅錢。

的確我合約係1至12月，過左12月31日就完，其實我連辭職都唔使。問題就係佢4月先出年終酬金，以好多公司慣例似乎都係辭職未出就冇得追。所以我先想請教下合約員工係依個情況應該點處理？

我都覺得4月先出唔合理，但唔清楚會唔會2，3月出就得，因為我想盡快辭職！

kkng — Fri, 10 Nov 2017 03:49:13 +0000

補充：最主要想了解綜合上述情況，假如我12月中辭職，返到1月中，可否以已返足酬金期為由，請公司提早發放原本下年4月先出嘅年終酬金？

我想可以化繁為簡：
1. 一切以合約條文行事；
2. 一切以合約結束後，收到多少錢再計算，收唔足再追。

至於補充部分，我覺得公司應在與你結算時一併結算，而不會也不能等到4月，否則公司就是欠薪行為。所以你也不用以...為由要求公司。

Wong — Tue, 31 Oct 2017 14:37:56 +0000

補充：最主要想了解綜合上述情況，假如我12月中辭職，返到1月中，可否以已返足酬金期為由，請公司提早發放原本下年4月先出嘅年終酬金？

Wong — Tue, 31 Oct 2017 14:20:36 +0000

我係上年入職嘅合約員工，合約寫明合約期係1至12月，每年年頭重新續約。合約有寫明有年終酬金，冇列明酬金期同發放日期。公司慣例每年4月發放，今年4月時按我上年入職後至上年12月工作左幾多個月，按比例照計返酬金比我。

Q1. 請問可否由此推論，公司酬金期以1月至12月計算？如否，請問合約員工嘅酬金期可否以合約期計算？

Q2. 如果以上皆非，請問係咪應該當冇列明酬金期，以農曆年為準？

Q3. 假設Q1酬金期係1月至12月嘅推斷合理，是否只要返足今年1月至12月，就必須發放年終酬金？

Q4. 請問酬金期計唔計埋辭職後嘅1個月通知期？