勞工法例線上諮詢 - 唔夠418要幾耐通知期 https://www.hkflu.org.hk/rights_enq/ zh_TW 唔夠418要幾耐通知期 (回覆) 多謝 閣下查詢。按《僱傭條例》，僱主或僱員在終止僱傭合約時，須給予對方適當的通知期或代通知金。詳見《僱傭條例》「簡明指南」第九章：終止僱傭合約
https://www.labour.gov.hk/tc/public/pdf/wcp/ConciseGuide/09.pdf

閣下就有關欠薪追討需要舉證，由於沒有書面合約在手，無法證明金額以及通知期，相對而言閣下情況不利。有關官司輸贏，視乎法官判決。

如需進一步協助，請致電「港九勞工社團聯會」權益熱線 2779 3766儲先生/邱先生/陳小姐/嚴小姐/何先生聯絡。
以上觀點謹供參考，意見會因當事人提供的資料是否清晰而有所影響。

]]> https://www.hkflu.org.hk/rights_enq/index.php?id=6066 https://www.hkflu.org.hk/rights_enq/index.php?id=6066 Wed, 24 Oct 2018 08:16:27 +0000 勞聯權益委員會 唔夠418要幾耐通知期 我八月返左份全職，公司遲遲都唔比合約我簽，我返工頭一個星期有問主管，佢話未得閒上寫字樓攞。咁我返左半個月做落覺得唔啱做同覺得公司有問題，就諗住辭職。到佢比合約我個日已經18號，我同佢講做埋個八月就唔做，個主管即刻收返份約話唔洗簽，佢同寫字樓講同遲啲補返辭職信就得。點知到出糧就少左，問公司就話我表現唔好，返工既時間出去買包同玩電話，仲有話我拒絕簽約所以唔會出原本講個人工，當時並唔係我拒絕簽而係個主管叫我唔好簽，同埋表現唔好可以出警告信或者炒左我，但唔可以直接扣我人工。我已經報左勞工處，主仼話我無試用期應該要不少於一個月通知，同埋原本份約原來話過左14日就要一個月通知，呢點我係走左先知見工時並無講過，但公司就死都話有講，我18號辭職有13日通知，公司而家表示會保留追究我剩底個17日既通知期權利，主仼話呢點對我不利。
因為8月無足四個星期，唔夠418，所以我想問下咁既情況通知期到底要幾耐？當時公司係批左我既辭職，就算公司無責任提我通知期係幾日但佢當時係有權利選擇要唔要我做多一個月，但當時佢係批左咁姐係係公司放棄左我要一個月通知既權利？而家告佢就話保留追究權利咁同輸打贏要有咩分別。通知期個點係咪真係對我好不利？上到勞資審裁處贏既機會大唔大？
Thank you ！

]]> https://www.hkflu.org.hk/rights_enq/index.php?id=6021 https://www.hkflu.org.hk/rights_enq/index.php?id=6021 Tue, 16 Oct 2018 08:53:10 +0000 Lam