勞工法例線上諮詢 - 公證行要求和解

公證行要求和解 (回覆)

勞聯權益委員會 — Fri, 21 Feb 2020 03:59:46 +0000

多謝閣下查詢。理解閣下面臨困難，大概可總結為：痛症持續、經濟困境。

鼓勵建議工友在放取「工傷病假」或未開工的期間管理好身體，做好治療、休養，以免不必要的「二次傷害」，加深傷勢。

當然，放取工傷病假期間或跌入「懷疑個案」未能收取「工傷病假錢」期間而「手停口停」，收入無以為繼確為事實，然而，社會上有諸多慈善基金，工傷僱員如有需要亦可嘗試申請以解燃眉之急。

《勞聯報》第211期(PAGE6)「權益議事庭」文章──《山窮水盡擬無路柳暗花明又一村──工傷處理》(二)
https://www.hkflu.org.hk/page_b.php?id=P000&folder=flupost&post=211&year=2020&month=01

如需進一步協助，請致電「港九勞工社團聯會」權益熱線 2779 7922 (深水埗區：中聯行中心) 或 2779 3766 (深水埗區：朝光中心) / 2781 0983 (旺角中心) 與本會職員聯絡。
以上觀點謹供參考，意見會因當事人提供的資料是否清晰而有所影響。

公證行要求和解 (回覆)

Kanji — Fri, 21 Feb 2020 01:59:34 +0000

謝謝回覆，由於經濟原因醫生建議我一個月後復工，因為有永久痛的問題及手腕、手肘屈曲角度少了，並會給予半年至一半輕工紙，但僱主方面希望我復工後能夠做到以前的工作量，這方面使我感到非常困擾，亦都很擔心會失去工作，請問有沒有應對方法。

公證行要求和解 (回覆)

勞聯權益委員會 — Thu, 20 Feb 2020 15:46:12 +0000

多謝閣下查詢。建議：充份掌握資訊、謝絕不明干擾、細心統整文件、耐心等待程序。

請勿放棄治療；如有經濟困難，請善用社會資源求助，參見《勞聯報》第211期(PAGE6)「權益議事庭」文章──《山窮水盡擬無路柳暗花明又一村──工傷處理》(二)
https://www.hkflu.org.hk/page_b.php?id=P000&folder=flupost&post=211&year=2020&month=01

公證行要求和解

Kanji — Thu, 20 Feb 2020 15:05:54 +0000

我上年 7 月响公司搬野受傷，於是報比勞工署跟進，話說僱主以佢無叫我做引至受傷嘅工作作為拒絕承擔責任嘅理由，咁勞工署調查結果又認為公司要對事件負責，雖然有掙議所以唔可以安排做判傷，但勞工署已經收咗我個醫療報告話有部分永久傷殘，所以就轉介咗去法援搞，期間保險公司公證行搵人了解過事件，而我亦响 11 月交哂資料比法援，法援亦响 1 月出信比勞工署、醫生攞資料，直到噚日保險公司公證行另一個職員聯絡我，話想同我傾和解賠償，我話我依家連判傷都未做都唔知點計賠償額，而且僱主認為自己無責任，之後佢話想攞我醫療資料睇下受傷情況同件事有冇關係，我話勞工署同法援已經有資料，我相信呢兩個部門嘅專業，若果佢哋認為我個情況唔係工傷或者理據不足就唔會再跟進件事，之後佢就話會直接去信呢兩個部門攞我資料⋯⋯⋯⋯我想請教一下，我應唔應該比資料佢，同埋我應該點樣做，因為勞工署話明有掙議個案不能安排判傷，咁我係咪只有等打官司？