我星期二，四，五因為發燒請咗病假，呢三日都有醫生紙。
而星期三係每星期嘅例假（本身就例假星期三）。
但上司就問星期三有冇醫生紙，冇就會扣勞工假。而例假就唔會有。
請問咁樣正唔正常？

1/ 先講法例關於放假「法定假日」嘅要求：

如果僱主要求僱員在法定假日工作，須作出以下的安排：
在法定假日前的 60 天內，預先通知僱員另定假日的期限在另定假日最少 48 小時前通知僱員。
在法定假日後的 60 天內，預先通知僱員另定假日的期限在法定假日最少 48 小時前通知僱員。
如僱主僱員雙方同意，僱主可在法定假日或另定假日的 30 天前後的期間內安排代替假日給僱員。
可見點都有走盞位俾員工放唔正正日時補放假

然而，現實操作係唔係咁樣，又真係未必，以飲食業為例，如常見嘅一個情況係將法定假日平均咁放落上每一個月入面放假。僱主認為只要大數俾足咁多日就可以，而事實上，僱主只要按 713 法例俾足假期錢員工又真係盡咗法例責任。

2/ 至於假期重疊處理辦法，又係另一個討論。
假設儲夠足夠有薪病假日數而佢亦都有資格享受法定假日薪酬，咁樣當醫生紙日子橫跨連續四日或以上，而當中有法定假日。法定假日哥一日係出全薪，呢一日係唔會扣減有薪病假日數；而其餘日子係出4/5人工並且扣減有薪病假日數。