事主目前仍在試用期期間，入職期間準時返工，成日OT（冇補水）並超額完成業績要求，工作表現一直好好，本以為試用期後可爭取升職加薪，殊不知上司突然叫入房照肺，透露來緊做probation review，有機會過唔到試用期，因為照返公司計算標準，事主並非超額完成業績要求，而是只完成不到一半的要求，表現完全不符合公司要求及預期，公司有權唔比過試用期。

事主感到非常疑惑，明明超額完成，短時間內給公司帶來利潤甚至已是自己年薪的幾倍，為何公司仍然過橋抽板？於是詢問上司為何入職前唔講清楚，照返面試時講過嘅標準，絕對是超額完成，點解突然要反口？上司表示事主自己誤會咗，不嬲係要咁計，同埋總之公司現在行緊尼個標準，想過試用期，一係交出手上所有客戶資料，並在一星期內完成一個不可能完成的業績指標，一係做好心理準備，搵定下家。

事主突聞噩耗，最終向過往同一職位嘅前同事求助，發現前同事遭遇一樣情況。原來該僱主經常以所謂高薪在業內挖角，偷取資源後再以各種苛刻理由唔比員工過試用期。

而家口同鼻拗，事主十分無助，欲加之罪何患無辭，想咨詢僱主此行為是否違反僱傭條例，僱員係試用期期間是否由僱主一言堂決定生殺大權？以及事主應該如何維權？多謝。