新工係以part-time嘅形式入職，冇簽合同，冇通知我試用期，只係向我拎咗身份證影印本，一開始見工係話想做全職，但係經理話先做兼職習慣工作之後再轉全職，返咗一個半月，中途因為要學課程，所以諗住依然做兼職，唔轉全職，依家需要開學，所以就諗住同公司講一個星期只返兩日，公司知道之後話唔需要我，叫我做埋聽日就走，想問吓冇簽合同嘅情況下，佢係咪犯法，同埋冇通知期辭退員工係咪需要賠償？七日代通知金？

1/ 好討論D，「冇通知我試用期」，咁先當你無試用期。

2/ 如果係一個

無試用期嘅連續性合約，睇勞資雙方有無明確係合約(書面/口頭)規定過通知期，最少七日。如果無，咁最少一個月。
無試用期嘅非連續性合約，通知期以勞資雙方議定為限，可長可短

簡單D，最低限度七日通知期。