冇合約返工兩年幾，全職蛋糕師，月休八日，每個月過數出糧。上個月老闆同我講公司有人注資，佢冇咗話事權，佢轉達俾我嘅係以下:
1.一定要簽合約，要買強積金勞保，但係俾唔到我月休八日，因為後面簽約嘅都係長短周，唔係冇辦法統一管理
2.人工要冇宜家咁多，因為其他股東都識睇市場，所以人工會有變
3.唔準去其他地方做pt
意思就係假期少咗，人工少咗，仲唔可以出去揾其他pt
我做到上個月就冇做了，依家好唔忿氣，請問下係未冇合約就冇辦法保障到我

首先呢，勞工法規定，口頭協議都成立，與紙本合約法律效力係一致的。你有銀行過數記錄，就足以證明雇傭關係。

老闆賣左公司比人，唔影響你同公司的雇傭關係。簽新合約只係改變雇用條件，你本來就已經係該公司的員工。你拒絕簽約，公司可以選擇沿用原本的雇用條件，或者炒你。如果選擇炒你，公司係可能需要支付遣散費的。

問題係，如果你係自願離職，就不能拎遣散費，當然你可以爭論你離職並非自願。而年假錢等等的基本福利係肯定會有，你不曾放過年假的話，可以去追返年假錢。