我係一間公司兼職做左5年，幾乎每個月都返左15-20日以上，每日8個鐘，直到最近離職公司話無任何補償，所以有以下幾個問題。

1) 由於我返工日子唔係固定，有時連續2-3個月入面都符合418，有時一個月咁啱有個星期唔符合418，呢個情況係咪已經斷開左，又要重新連續3個月符合418先會有法定假期薪金?

2)法定假期假日薪酬返工，係咪僱主應該都要補返錢比我?因為我出糧僱主都無計到落去，到依家我離職一蚊都無補比我話我散工係冇的。

3)有幾個月我都符合418條例，計算法定假期係應該計我呢3個月內有係法定假日返到工既日子，定係呢3個月後之後先開始計算法定假日薪酬?

由於我係呢間公司做左好耐，離職時公司同我講話唔會有任何補償補水，所以覺得好奇怪，我呢個情況係咪可以去勞工處向公司提出申訴?