我本身返緊份全職，我做audit嘅，但因為眼疾惡化問題，唔可以再全日對住屏幕原故，我轉左第二份工，剛剛星期五離職。我返左公司大半年，因為有兩個好細嘅小朋友，又人奶轉奶粉，比較多病痛。為左啲小朋友我半年請左都有25日半嘅無薪假，但老闆每個月都出齊薪金比我，我以為老闆當bonus出比我的，所以好感恩老闆嘅善良。直至最後一日返工老闆先話要計返啲無薪假錢，直接扣左我一萬三千幾，出糧得返二千幾......而我屋企得我一個人返工，所以當下我真係差啲喊左出黎。我當時同老闆傾左話星期六返返公司補時數比佢，佢答應嘅。我宜家諗諗下有啲不忿，因為我真係以為佢當bonus出比我，我工種行業問題，每月平均都為老闆帶來幾萬嘅公司收益，果一千幾百一個月嘅bonus我覺得自己袋得合理，而見工嘅時候老闆都有講過話公司有花紅。我宜家嘅問題係想知道佢可唔可以咁樣尾糧先扣無薪假？因為我爬過法例好似話唔可以扣多過人工25%（？），薪金唔清楚嘅情況下有冇得請勞工處幫手處理？

你每月糧單上所列出薪酬的明細，有沒有指明該多付款項為Bonus？甚至有沒有聼老闆口頭上説明該多付薪金為Bonus? 如果都沒有，只是每月付全數底薪的話，則老闆有權說這是多付薪酬，而要求你退回。

至於勞工法規定，雇主有合理原因之下，扣員工每月薪金，只能扣當月收入的25%。而你已離職，你可以要求雇主先付75%薪金。老闆將會出律師信，一并追討剩餘的多付薪金。拖延而已，意義不大。

當然，你任何大小問題都可以請勞工處幫手處理。