本人於2024/12/18工傷
公司一直都無清晰既安排
第一日整親無辦法可以自己行到
公司派人去陪我睇醫生
途中係診所既時候
係唔願意既情況下帶我睇醫生既依個人
幫公司同我拍左段片去講述意外既
經過，時間，日期，名，身份證
以及要我親口講我唔追究工傷
到依家一月出糧就只有正常返工既糧
12/18打後既工傷錢公司聲稱要下期糧
2/7先會一次過出埋
另下話公司無清晰既安排係因為
我第一日整親公司有人帶我睇完診所之後
其實診所都有轉介信要我去醫院照x ray
但係果個人唔知咩原因佢唔帶我去
我果陣已經痛到思考唔到
其後我都有同果個人表明第二日會去睇專科
好啦，到左第二日我睇完專科照埋mri之後
依個人先同我講公司安排左專科我睇
我唔情願去睇，但係公司就同我講
需要睇依個指定既醫生先可以同公司證明我既傷勢
所以第二日果個專科比我既醫生紙到期既時間
我就去睇返公司個指定醫生，連同之前既xray mri帶過去
公司指定醫生已經好清楚講到明要做物理治療先會有好轉
所以我亦都預約左覆診，但係早幾日公司就通知我
依個只係證明傷勢之用，要求我一定要去公立醫院
先有可能向公司保險索償我既醫療費用，但係其實去公立醫院
四日既醫生紙，即係每四日就去一次，（急症）
門診跟本就預約唔到，
想問其實係咪去睇有注册既醫生
我都係可以向公司索償返醫療費用

去勞工處揾專人幫手la