我份工合約24年12月7日起，至2025年2月6日到期，並未寫明係試用期+提及辭職通知期，今日1月31日公司部門上司話工作表現符合續約要求、拎份約出黎話簽續約，我表示因個人其他工作安排不能同呢個職位工作時間配合，口頭講咗不續簽及未簽續約後，上司收返埋份續約書同提我交辭職信，話可係被安排的最後值班日(即2月2日)時交返去部門。
1. 睇過你地呢度以往啲答覆，感覺"辭職信"好似唔係好啱用係呢個情況咁...想問呢種情況下我可否用"合約期滿不續約通知書"代替上司所講的"辭職信"?
2. "合約期滿不續約通知書"可否在合約到期前最後被安排值班的工作日(2月2日)交? 定係只能合約到期日當日交?
3. 如果係"辭職信"名義，我需否付代通知金/預返通知期? 或公司可否以此為由扣除部分薪金?
4. 公司按周出值班表，呢周出下周值班表時就問公司為何係合約期完結後仍安排一次值班(2月8日)，公司以打算續約為由話排埋，如我係2月6日當日或之前交"合約期滿不續約通知書"是否不須返2月8日呢次班?