已經同老細講咗好幾個月⋯⋯
我係輪班嘅，例假可以任意放係唔同日子，唔係固定星期六、日放假的。
5月31日端午節係星期六，果日編咗我休息。
本身嗰個月有9日例假同埋3日勞工假，五月我總共放咗11日假。
之後問返佢話呢一日勞工假冇得補，話我五月放多咗一日假，要扣返我一日假。
佢話之前問過勞工處不嬲都係咁計，真係咁樣計嘅咩？
咁如果係咁，佢將我啲例假放晒落勞工假，咁佢就唔使放我勞工假啦？？？
已經每個月都同佢講呢樣嘢，但佢都係唔肯俾返依一日假我，我係咪可以告佢？

Total有12日假,你放左11日,點解佢會話你5月放多左一日?定係佢講之前既月份?
首先要搞清楚你之前係咪放多左一日假先

『之後問返佢話呢一日勞工假冇得補，話我五月放多咗一日假，要扣返我一日假。』
『咁如果係咁，佢將我啲例假放晒落勞工假，咁佢就唔使放我勞工假啦？？？』
佢唔係話緊你端午節放左例假先唔放你勞工假喎,你係咪之前放多左?如果係,佢扣返係岩架

呢個網站唔係所有好多回覆都係正確的。已有明確案例講公司有權不補假，請參考國泰經典案例：案件Tam Wai Mei v. Cathay Pacific Airways (CACV232/2005)