返咗間公司半年，簽合約嗰陣時話頭3 個月包薪，
3 個月之後再睇下點，
然後就冇再傾過人工嘅問題，就一直都係出緊包薪，
而家話cut 人手 cut 咗我，
順勢講埋話出多咗糧俾我，
total $9000，而家話要扣番，
請問佢呢個倒扣我合法嗎？
因為我覺得佢連續都出錯 3 個月係佢都認同緊仲包薪，
而家掉轉頭一句計多咗就扣番。

簽合約嗰陣時，有無話3個月之後的人工? 如果冇，咁就得個「拗」字。

由於當時冇清楚協商，咁就唯有睇大家嘅觀點。
冇絕對嘅答案。

在你嘅立場，三個月之後雇主無主動話要改變薪金，咁就係默認係繼續出包薪人工。
站喺僱主立場，出糧時只話包三個月，其餘出多咗，所以追返差額。又唔係犯法。
如果你話法例，有關薪金，法例子規定唔可以低過最低工資每小時37.5元。
其實，到三個月嘅時候，雙方都有責任主動釐清有關薪金安排，當時冇傾清楚，而家有爭議，就要好好傾下。

睇返我呢半年嘅糧單
無列出佣金
只係有列出特別補貼 $3000
但係而家佢解僱我
過咗試用期之後呢三個月
佢話出多咗俾我，而家扣番我 3個月共 $9000
就話出番公佣俾我代替返呢個特別補貼
佢係咪可以咁做？謝謝。

關鍵係睇下你哋嘅協議。
僱主有權話要追番，你都有權反對。

如有爭議，可能要由第三方(法庭)經過審訊，才有答案。