同僱主申請離職有少少糾紛
背景：舊年因為突發入急症室（緊急），入急症室當晚同僱主口頭申請離職（有文字紀錄），因為我嗰情況都比較嚴重，都需要即刻安排手術&手術後需要休養一段時間，所以申請辭職呢一個月，全部時間都係係醫院，能夠提供醫生紙。
假設我4月1申請離職，即使係5月1就係通知期內既最後一日。
問題1:
當時向僱主申請，我有問佢我可唔可以即時走&比30日通知期佢，之後僱主就同我講我通知期係4月1至5月1，佢有問我呢段時間仲返唔返到，我就同佢表示呢段時間都會係醫院，可以後補醫生紙比佢。e家過左超過半年，佢向我要求賠償4月1至5月1既代通知金（扣除年假）。我認為僱主可能為左唔賠病假比我，一口咬定我係即時走，事後我都有send返醫生紙比佢確認，咁我到底要唔要賠比佢？*申請辭職當時係冇遞交過離職信，只有文字紀錄。

問題2:
由於病假期間，我都有再致電僱主表示康復後上返去工作崗位，並不是離職，僱主都話ok冇問題同埋兩個月後有安排工作比我（佢有問過我要全職&兼職），但我因傷口恢復中有所不適，選擇兼職（*沒有重新簽合約）。兼職左超過兩個半月，目前因為生意唔好，冇再比兼職我返。但係超過半年，佢就反口話要我賠償代通知金，佢呢個情況，令到我覺得當時既辭職通知已經撤銷，我仍然在職中，只不過係公司暫時唔需要我返工，我覺得我似係俾人解僱，而唔係我冇返去工作。如果我同雇主達唔成共識（僱主認為我即時走）都要我賠？我到底需唔需要&有咩其他選擇？

問題3:
如果我認為我既最後通知期為4月1（同佢申請當天起計），咁5月1就係我最後工作既日子。如果一個月通知期內，我既病假（連續超過四日）僱主係咪需要補返比我？僱主e家好似唔想賠比我。

問題4:
直至到目前，我都冇比多次辭職信佢，因為如果口頭通知當離職，僱主又接受左，咁我已經冇必要再遞交離職信係咪？另外僱主對於我係咪離職，佢一口咬定我就係即時走，但係當時醫生紙比曬佢佢又話ok，同佢溝通過會唔會係可以和解，佢都堅持要我賠代通知金，問佢一啲關於離職既疑問會唔會係同佢有啲咩誤會，佢一律無視，就係要我賠。其實我病假期間，有同事同我講話我老闆仲等緊我返去，而老闆都有問過我幾次要唔要返返全職or兼職，只不過我基於健康問題，選擇兼職。呢件事就有少少尷尬，唔知到底要點樣處理。

*其實一路以黎同僱主都有因為請假既問題有少少爭執，唔知e家僱主係咪想抽後算帳，但係我就覺得佢呢個舉動對我理解係對我黎講好唔公平，同埋佢都因為覺得我對勞工法例唔熟悉，先會有呢件事既出現。到目前，佢都未比過合理解釋我，我係咪可以等佢真係比警告信要我賠償先至採取法律行動？同埋我到底有冇需要賠比佢？佢又冇需要賠比我？

如有問題，請致電2779 3766查詢，以了解事件以提供即時解答。