更改：因為前公司係不歡而散，公司即時解僱更加斯騙本人冇賠償七日賠償，用強硬迫我簽紙即時離職。
我發現文件有問題僵持左30分鐘都唔肯簽。
由於唔誠實嘅行為我整個過程有錄音。

應盡快找工作地點相近的勞資關係科介入

任何錄音、錄影，只係令打工仔女心理上平衡D，好過D咁解；係對薄公堂方面，真係只會對打工仔女反而「百害而無一利」。

一) 法庭係唔會聽語音，唔會睇片。法庭必然要求申索人/被告人出示相關錄音、錄影的「法庭謄本」，即係以廣東話入文，做逐字書面記錄的。除咗做「法庭謄本」，仲要燒錄有語音有影片嘅光碟，燒錄光碟之餘仲要做目錄、編碼(頁數、段落)都唔止。然後呢，呢個交個俾法庭嘅「法庭謄本」仲要DUPLICATE多一套出來俾你嘅對家！REWIND聽語音睇片要精神、時間，買光碟要錢，郵寄掛號要錢。當連填個表格，只係用兩分鐘都污呢單刀，牙痛咁聲，蕭某斷言，一個工時長，繁忙香港人要做呢個功夫、時間，常人係花唔起嘅。

好，蕭某當你可以請幫你做。咁蕭某反問你一句，你自己都唔想做覺得麻煩，咁你認為其他人會唔會一樣同你感到咁麻煩??既然咁麻煩，請幫你做哥個人地當然會收你錢啦。

二) 好，就算我係俾你慢慢逗，真係返屋企唔瞓覺唔食飯慢慢去逗一份「法庭謄本」，又燒碟又盛盛，好勉強咁過到關。係一D高級法庭，區院 /上訴庭 / 終院，一旦唔好彩撞正對家有法律團隊。先唔好講係咪超級高手，如果係佢，就係咁不斷狂質疑：喂！法官閣下，我質疑對家語音、影片並唔能夠反映事實之全部，要求對方提供更多有關材料。

咁你就好麻煩，又要去再做「法庭謄本」又燒碟盛盛，香港人都係怕煩麻，講天下無敵，怕自己落手做，亦唔想落手做。請人做，人地幫你做好曬，咁你自己又唔睇，睇完又記唔住，上到法庭又講到一舊舊，比人問到口啞啞，前言不對後語，又犯駁又唔連戲。

咁你話，係咪「盞攪」？