情況如下：

根據我同僱主之間嘅僱傭合約，每個禮拜返5.5日，代通知期為7個工作天。我在此公司服務咗7個又多幾日，因此享有4日有薪年假。我喺今年29-April收工之後（夜晚7點左右）打電話通知僱主唔再繼續做呢份工，5月9號正式離職（1-May,2-May下午,3-May為公眾假期及合約假期）。僱主即場表明第二日先畀到答復我。僱主於30-April上午10:13在Whatsapp復我，要求我做到5-May，我同意。

因為有4日有薪年假，又由於1-May,2-May下午,3-May,9-May下午,10-May係公眾假期及合約假期，正式離職時間變成11-May下午。

簡單啲講即係：我做埋5-May，跟住6-May,7-May,8-May,9-May上午,11-May上午放足4日年假，再跟住就離職。

依家僱主以我最尾嗰4日冇返工為理由要抵扣代通知金，打算出少4日糧。而我認為僱主在清楚知道呢4日我係放緊年假嘅情況下，將兩件事撈亂嚟講，博我唔識。

請問僱主是否有理據抵扣我4日有薪年假嘅薪酬？

多謝！