我情況係咁的，喺一間 cafe 返咗四個星期工（六月二十三號開始），但唔係每星期都夠十八個小時，開頭返工時經理除咗口頭同我講每小時五十蚊以外，其他任何條款，例如每星期要我返幾多個鐘、有冇試用期之類就完全冇同我提過，到而家都冇比 contract 我簽，但 mpf 就填晒。同時我會經常見到個 hr 同事，但佢就從來冇主動向我提過任何有關合約或僱傭事宜。當初入職時經理明示暗示希望我可以長期做落去，但結果係我四個星期都返得好少，都唔止一次 cut 我鐘，例如有一次返工前一日叫我遲三個半鐘先返，有幾次直頭做做吓叫我早幾個鐘走。然後連我比咗日子話我幾時可以返工都唔覆，我就唯有問佢其實係咪唔需要我返工，因為我冇可能日日坐喺度等佢叫我返工，一係佢就事先同我溝通好，咁就唔會有呢啲情況發生。跟住佢就覆我係，其實都唔係咁忙，cannot give you more hours，叫我 find another job。咁我想問，

Ａ：咁算唔算即時解僱？
Ｂ：呢件事僱主有咩責任要負？
Ｃ：有冇乜嘢係我可以追討？