你好，我係想幫我爸爸問下工傷賠償既問題，我爸爸係散工做幫單位油漆既。
佢係10月31號做野個陣用木梯係天花板油緊油，因為有工友踢走左地面一D保護蓋，
阿爸又無為意一郁木梯就一邊梯腳攝左入去地面因為無保護蓋而出現一個幾深既縫隙，
成個梯失平衡令我阿爸係一米高趺落黎，最尾阿爸左手腕關節骨折要即時入院留院同打石膏，直至依加先情況好轉。

但當時僱主話叫佢唔好報工傷，話會出番每日5份4糧比佢，咁佢就無報，一直依醫生比既病假證明拎錢。
但到近日僱主佢間保險公司搵我爸爸傾工傷，僱主先前已經叫定我爸爸講話唔好講用木梯做野講用鋁梯，
都唔好講不利於佢既野，咁我爸爸因為想之後繼續同佢有工作，所以聽佢咁講同保險公司照係咁講。

但係講完口供之後先知受傷期間人工個賠償係根據番佢過往一年係個間公司做幾耐野，
再除番12個月計番平均每月做幾多日，再出個金額講每個月人工係幾多，再換番5份4，個金額就差好遠!
因為我爸爸跟依個公司只係做左2個月，除番每個月得好小日，
佢以往平均一個月入息至少2萬，但入面最尾計係1萬，重要換番5份4，得番8000一個月既受傷期間既人工賠償。
我爸爸隨時要俾番出黎之前僱主出住比佢先既受傷期間人工賠償。

我爸爸依加就好無助，同堆都唔知點算好，所以想問下究竟之後應該點做，唔該你!