我想問 我老爺公司contract已完
所以2018年公司會停止運作
但有一個71歲既員工 入職11年
65歲後已取強積金
65歲已無簽約 但每個月人工銀行過數
已同佢講 如果公司有約簽 就大家繼續做
如果簽唔到 就會解散
咁想問下 仲洗唔洗俾長期服務金or遣散費？

雖然65歲後，你地無再同佢簽書面合同，但都有每月銀行過數，如僱員證明到呢筆數係同以前人工無大分別，每月入數日期固定，有出勤紀錄，你又有同佢報稅，又可以證明自己仍然有提供服務比公司，不論有無簽合約，都可以證明雙方有僱傭關係。
證明到雙方有僱傭關係，而公司要執笠，同僱員解除合約，工作滿兩年就要比遣散，滿五年就要比長期服務金。至於，佢65歲個陣已經拎左mpf，仲對唔對沖到就要問下你間mpf公司意見。

多謝閣下查詢。
首先，閣下從描述中已視該名僱員為“員工”，而且 “65歲已無簽約 但每個月人工銀行過數”，亦表明貴公司所支付的是人工，所以雙方關係為僱傭關係。而長期服務金與遣散費是與員工的年齡無關的，只與其服務年資相關，即是如果該員工工作滿，5年後退休或被僱主解僱須付長服金，如工作滿 2年被僱主遣散則須付遣散費，但兩者只取其一，不須同時付兩種，但計法一樣。
如需進一步協助，請致電2779 3766黃先生 / 邱先生 / 儲先生聯絡。
以上觀點謹供參考，意見會因當事人提供的資料是否清晰而有所影響。