22號向老闆辭工 但佢挽留我 並當我說笑
27號再向老闆辭工 佢明白我的決意 希望我幫佢幫到下3月31號 但我話2月22號已經開給緊一個月通知 之後佢話如果你堅持22號開始通知對大家都無好處（我即時驚左一驚 答應幫到3月31）
同埋每月七號出糧
但黎緊三月既7號係星期三
（我地公司逢星期三放假）
所以我想要佢六號出比我
但佢話8號先出比我 （我已感覺到惡意）
我本來想好頭好尾 點知佢玩呢d野
我可以告佢遲出糧 而且免一個月通知嗎 因為我認為3月將會受到刻薄會過得好艱苦
我有諗過出完糧直接no show 但咁樣會蝕左8日糧比佢 而且佢有權追究我 我可以點做
講返少少背景 由呢個禮拜開始我已經一個人做兩個人的工作 因為佢請唔到人 我本來都無所謂 但刻意拖糧真係好乞人憎 唔知佢知唔知每個月7號係最知出糧日 提醒佢又怕佢會覺得我威脅佢 咁呢段日子就更加難堪
利申：我8月工作到現在 佢無幫過我供MPF 同埋經常拖糧 如我告發他 我能即時終止僱傭合約嗎
我
by 勞聯權益委員會 
, Saturday, March 10, 2018, 12:50 (2922 天前) @ Zero
多謝閣下查詢。根據僱傭條例規定，工資需在工資期最後一天完結時即到期支付，僱主必須需盡快支付所有工資給僱員，在任何情況下不得遲於工資期屆滿後7天。假如 閣下的出糧日是每月7號的話，則僱主必須要每月14號或之前支付工資，否則會違法。
僱主如故意及無合理辯解而不依時支付工資給僱員，可被檢控，一經定罪，最高可被罰款35萬元及監禁3年。
僱主或僱員在終止僱傭合約時，須給予對方適當的通知期或代通知金。相關法例條文：http://www.labour.gov.hk/tc/public/pdf/wcp/ConciseGuide/09.pdf
所以辭職的問題，我們建議 閣下“根據法例及合約規定”以書面的方式通知僱主，這樣有利於保障雙方利益，因為口頭辭職可能存在舉證方面的困難。
至於僱主沒有為僱員供強積金，可致電2918 0102 (星期一至五上午8:45至下午5:45)積金局作投訴兼追討。當然，這裏 閣下要留意欠供強積金並非是即時終止僱傭合約而無須賠償代通知金的合理合法理由。
如需進一步協助，請致電2779 3766黃先生/邱先生/陳小姐/儲先生聯絡。
以上觀點謹供參考，意見會因當事人提供的資料是否清晰而有所影響。