係公司做左7年左右, 累積左好多日大假。而我申請6月頭放大假(因為要去影婚照), 事先我已經問左所有同事, 亦夾左同事我要放假既日子, 無人會撞到假(咁當然所有同事都知道我到時要放大假)。人手方面應該不受影響。
而上個月(3月份)我就一早人事部申請放假, 亦訂曬機票酒店,同攝影公司。今日上司突然話不俾我放,仲話我成日放大假, 其他同事唔洗放啦。
第一: 我無成日放大假,如果我真係有得成日放大假,就唔會成日要我清假啦!
第二:已經問左所有同事, 無人會撞到假, 人手無可能唔夠!
第三: 成日要我清假, 當我要放假既時候, 宜家又唔俾...玩晒啦!
我想知可以點做? 明明我有大假可以放, 亦夾左所有同事唔會撞假, 佢都唔俾我放,咁有沒有犯法?
機票酒店,同攝影公司真係已經訂晒, 點好?
by 勞聯權益委員會 
, Monday, April 16, 2018, 16:00 (2885 天前) @ Secretly Greatly
多謝 閣下的查詢。根據《僱傭條例》，僱員按連續性合約受僱每滿 12 個月，便可享有有薪年假，而僱員須於隨後 12 個月之內放取應得的有薪年假。年假日期應由僱主在徵詢僱員或其代表後指定。僱主須至少在假期開始的 14 天前以書面通知僱員年假的日期；如雙方同意，可以較短時間通知。
年假須爲一段不間斷的期間。但如僱員要求，僱主可按下列方式給予年假：
‧年假日數不超過 10 天：可將不多於 3 天的假期分開發放， 而餘下的年假則應連續發放
‧年假日數超過 10 天：最少連續發放 7 天年假，餘下的年假可分開發放
僱主如無合理辯解而不讓僱員放年假，可被檢控，一經定罪，最高可被罰款5萬元。
按法例，放取年假要由僱主及僱員雙方達成日期協議，即是說僱主是有權不批准員工放取年假的申請，並無違法。當然，這個不批准是不可以違反“僱員於隨後 12 個月之內放取應得的有薪年假”的規定，否則就會觸犯上文第三段法例。
簡單來說，僱員受僱滿第一年所享有的有薪年假，僱主只需要於第二年內給予全數放取。當然，法例是容許僱員對年假可作“不間斷放取”的要求。所以，如 閣下有需要放取，我們建議與僱主進行良好溝通，提出合情合理的理由，最終達成放取的雙方協定。
如需進一步協助，請致電「港九勞工社團聯會」權益熱線2779 3766黃先生/陳小姐/邱先生/儲先生聯絡。
以上觀點謹供參考，意見會因當事人提供的資料是否清晰而有所影響。