敬躺者：
你好！本人的朋友最近遇到一件事想請教：我朋友因工作疏忽，不小心遺失公司財物，計落成本有8000幾蚊。牽涉人物並不只包括佢在內，都牽涉好幾個人。但到最後公司只係要求佢個人作出賠償。雖然呢方面已經對佢本人好不公平同好不利，但重點係想問：公司每年都會有bonus同埋每月有incentive，佢上司同佢deal係bonus會扣但吾會全扣，剩下來就會係每個月incentive繼續扣，但比例、bonus同每月incentive點樣扣都無特別交待，只係表示暫時未知bonus有幾多，要等佢出左先可以再睇個比例點扣。底薪不受影響，而扣incentive/ bonus是否合法？僱主是否可以以扣除bonus/incentive但不扣底薪為理由而向同事收取筆賠償金？同埋bonus為performance bonus，公司未必會特別公開筆錢點計，有無方法可以令到個透明度提高，等我朋友可以睇番有無俾人扣多左筆錢？
Thanks a lot!!
by 勞聯權益委員會 
, Tuesday, July 31, 2018, 21:46 (2781 天前) @ Ms Lam
多謝 閣下的查詢。根據《僱傭條例》，僱員因疏忽或失職而損壞或遺失僱主的貨品、設備或財產，每次只可按物品的價值扣薪，但以不超過$300為限(現金除外)。此外，這些情況下扣除的工資總額，亦不得超過僱員該工資期所得工資的四分之一。
當然，就 閣下的朋友遺失公司價值$8000的財物事件，僱主可透過民事訴訟作追討，這方面則已出僱傭條例範疇。
就 閣下所提出，公司不扣底薪而扣performance bonus的做法，就要看performance bonus僱主是否可酌情發給。假若可以，僱主有機會因為僱員遺失公司財物而認為僱員表現欠佳而減少bonus金額。為保障僱員權益，本會建議 閣下的朋友可查明與僱主簽訂的合約有沒有規定performance bonus的發放要求或相關限制條文。
而每個月incentive的部分，如incentive屬於固定性質，即並非由僱主酌情發給，則該incentive都屬於工資的一部分，要以合約規定的條件發放。假若僱主在僱員達到領取incentive的條件下仍扣除，則屬非法扣減工資(上文第一段)。
如需進一步協助，請致電「港九勞工社團聯會」權益熱線 2779 3766儲先生/邱先生/陳小姐/嚴小姐/何先生聯絡。以上觀點謹供參考，意見會因當事人提供的資料是否清晰而有所影響。