你好，我最近返左份兼職但疑似被老闆用不合理既理由解雇左
我本身髮色係highlight左髮尾
由我見工直到返工期間髮色都係相同冇染過
見工個時人事部並冇提出過要染回全深色頭髮既呢個公司規矩
亦冇指出我個髮色有問題
老闆WhatsApp同我商討返工資料既時候都冇提及髮色規矩
直到開始返工第4日，老闆巡舖見到我個髮色後
透過full time員工叫我染返深個髮色
今日佢再一次WhatsApp我
直接叫我染髮話因爲唔乎合公司規矩
我唔願意
向佢表明我完全唔知道公司有要求員工深色頭髮既規矩
因為由見工到成為正式員工之前，都無提及唔容許我現時既髮色
我問佢有咩理由要我咁做，最後佢用”我地公司唔適合你”既原因炒左我
我覺得好委屈，因為根本就冇人同我講過呢個守則
想知有冇咩條例可以幫到我？

補充:
公司話兼職唔洗簽合約，所以冇簽過任何contract