想問問，我在今年4月尾入職，有7日大假，公司而家迫我10月尾到11月頭清大假，幫我安排放邊日冇得簡呢個都算，問題係今個月放大假但cut我4日例假(每月7日例假)，話唔夠人，我見到11月個更表月頭放埋果4日大假，點知再cut我3日例假！我冇諗到放大假係要cut例假，咁我放黎做咩？果d高層既解釋又係話11月sogo做sale，咁其實唔關我事，同事唔係返工比你cut假的！我覺得好唔公平！入職到下月11月，已經hold起左9日假，因為一定唔會補到假放，只會resign時補錢，咁樣變左我會蝕左！
我想請問間公司個個月都cut人假，放大假又無啦啦cut我例假，佢既籍口只係唔夠人，因為佢不停開分店，我想問我可以點做?其他人唔會出聲默默承受，我覺得對大家真係好唔公平！

多謝 閣下查詢。由於資料含糊，語意不明，謹覆如下。

首先，理論上有薪年假以及休息日為兩個不同的概念，兩者不可重疊，重疊需要另定假日放取。

其次，請解釋「cut例假」的意思。倒底是(1)指原定休息日因為加班理由而未予放取，容後另定假日放取 折或是 (2) 僱主單方面更改合約內容，原定休息日加班亦未予補放？？

再者，關於有薪年假的放取及累積，詳見《僱傭條例》「簡明指南」第四章：休息日、法定假日及有薪年假
https://www.labour.gov.hk/tc/public/pdf/wcp/ConciseGuide/04.pdf

按《僱傭條例》。在受僱每滿 12 個月後，僱員須於隨後 12 個月之內放取應得的有薪年假。如僱員在指定的共同假期年內並未按連續性合約受僱滿 12 個月，則該僱 員可享有的年假應按比例計算。如計算上出現分數，皆進爲整數計算。 有關在共同假期年開始前已按比例計算的年假，僱員可選擇與僱主商議後 放假，或將之累積，與來年可享用的年假合併。

如需進一步協助，請致電「港九勞工社團聯會」權益熱線 2779 3766儲先生/邱先生/陳小姐/嚴小姐/何先生聯絡。
以上觀點謹供參考，意見會因當事人提供的資料是否清晰而有所影響。