我Fresh grad在6月見工，Fulltime嘅程式員，7月中上任。
當時老細叫我6月中可以做著parttime先，適應下環境，7月會正式fulltime，咁係無任何合約下，我就6月中開始返parttime.
6月尾時，老細話parttime嘅人工要出cash, 一次過出。
7月中轉fulltime, 我問老細攞contract, 未有。
7月下旬終於有contract, 但係我未簽，因為：

• 無試用期 （咁佢試我，我都要試佢）
  
• 離職我要3個月通知，但公司只要俾一個月
  
• 佢可以係不通知我嘅情況下更改我嘅月薪銀碼

我提出要求更改，係拖拖拉拉之間到咗7月尾，老細話我唔簽不平等條約就唔出糧俾我，同當我一直係parttime.
8月頭出6月parttime一個月糧，但到咗8月9號都未出7月中至7月尾嘅fulltime糧, 佢俾我嘅合約（我未簽，因為不平等）注明月尾出糧，過咗7日工資期，我就即日離職。

• 因為上任時公司沒有提供電腦，所以使用私人電腦。公司要求我星期一8月12號帶私人電腦返回公司，在HR面前（即老細本人）清除所有資料，想問因為係私人電腦，我有什麼要注意？
  
• 老細話因為我未簽約，所以7月中至8月9號會當我parttime咁出糧，但我地有口頭承諾7月中我就是fulltime (有對話whatsapp截圖），佢係咪要計返fulltime人工俾我？
  
• 如果我星期一返工，呢3日（連10、11號星期六日，因為fulltime)洗唔洗出糧？
  
• 如果我拒絕星期一帶私人電腦返回公司，佢可否告我偷公司資料？

謝謝
心急人
志豪上

多謝　閣下查詢。按《僱傭條例》，僱傭合約是指僱主和僱員訂立的僱傭協議。僱傭合約可以書面或口頭方式訂立，並可包含明言或暗示的條款。只要不違反《僱傭條例》的規定，勞資雙方可自行訂立合適的僱傭條款及條件，但任何僱傭合約的條款，如有終止或減少《僱傭條例》所賦予僱員的權利、利益或保障的含意，即屬無效。

另外，僱主或僱員在終止僱傭合約時，須給予對方適當的通知期或代通知金。所需的通知期或代通知金。
詳見：https://www.labour.gov.hk/tc/public/pdf/wcp/ConciseGuide/09.pdf（《僱傭條例》簡明指南「第九章：終止僱傭合約」）

休息日的定義 休息日的定義是在連續不少過 24 小時內，僱員有權不爲僱主工作。休息日由僱主指定，並可分爲固定性及非固定性。休息日屬有薪或無薪，應由僱主和僱員雙方協定。
詳見：https://www.labour.gov.hk/tc/public/pdf/wcp/ConciseGuide/04.pdf（《僱傭條例》簡明指南「第四章：休息日、法定假日及有薪年假」）

如閱下欲就與《僱傭條例》或僱傭合約有關事宜向勞工處作出查詢、投訴或提出申索，請按有關的工作地點到附近的勞資關係科辦事處求助：https://www.labour.gov.hk/tc/tele/LD565.pdf

如需進一步協助，請致電「港九勞工社團聯會」權益熱線 2779 7922 (深水埗區：中聯行) 或 2779 3766 (深水埗區：朝光) / 2781 0983 (旺角區) 與本會職員聯絡。以上觀點謹供參考，意見會因當事人提供的資料是否清晰而有所影響。