你好，我公司轉左新admin之後就連續出錯糧。
試過唔見同事病假紙，亂咁計no pay。
今個月出糧又錯，之前幾次都係話要等糧單，等佢調查，等佢出返。
每次都最少等2個星期先有回覆。公司鐘意幾時出就幾時出。
所有事都係我地追問先有回覆，如果追問多次更被視為搞事分子。

請問今次又咁樣，我有冇得做啲行動可以令公司面對問題，而唔係無了期等待。
9月27出左糧(每月28係出糧日，今次係星期六所以提早星期五出)。
如果公司一直話調查中咁點算？
有冇話過左幾耐公司都係冇出返糧，我地可以採取行動？
謝謝你

多謝 閣下查詢。按《僱傭條例》，工資在工資期最後一天完結時即到期支付，僱主必須盡快支付所有工資給僱員，在任何情況下不得遲於工資期屆滿後 7 天。僱主如果未能依時支付工資，須就欠薪支付利息給僱員。 僱主如故意及無合理辯解而不依時支付工資給僱員，可被檢控，一經定罪，最高可被罰款 35萬元及監禁 3 年。另外，疾病津貼須不遲於正常發薪日支付給僱員。僱主如無合理辯解而不支付疾病津貼給僱員，可被檢控，一經定罪，最高可被罰款 5 萬元。

公司做法及回應實在是強差人意，不能接受。建議僱促公司正視問題，務必儘快支令相關法定權益，並言明拖糧欠薪的法律後果。如果公司拒絕支薪，僱員有權向勞工處作出查詢、投訴或提出申索，請按有關的工作地點到附近的勞資關係科辦事處求助：https://www.labour.gov.hk/tc/tele/LD565.pdf

如需進一步協助，請致電「港九勞工社團聯會」權益熱線 2779 7922 (深水埗區：中聯行) 或 2779 3766 (深水埗區：朝光) / 2781 0983 (旺角區) 與本會職員聯絡。以上觀點謹供參考，意見會因當事人提供的資料是否清晰而有所影響。

我岩岩問左經理 double pay (14/9中秋)點解冇出到(出少左糧)，佢表未負責我地team既admin 放左大假(有personal reason )
佢話要個admin 返泥先簽返啲文件，要下個月先出到。
然後我追問咁double pay 係跟公司policy cut off day 定個admin 簽名？
我話擔心10月既都會遲。
佢答話保證我地下個月出返
咁我就問，係咪冇標準答案？
佢先話跟公司。

請問咁樣狀況有冇得7日內出返？定要等下個月？
謝謝你！

前文的回覆已回應 閣下提問:工資在工資期最後一天完結時即到期支付，僱主必須盡快支付所有工資給僱員，在任何情況下不得遲於工資期屆滿後7天。至於欠薪於下一個工資期支付,不能由僱主單方面決定,應由雙方協商達成共識協定,否則違返上述法例.

如需進一步協助，請致電「港九勞工社團聯會」權益熱線 2779 7922 (深水埗區：中聯行) 或 2779 3766 (深水埗區：朝光) / 2781 0983 (旺角區) 與本會職員聯絡。以上觀點謹供參考，意見會因當事人提供的資料是否清晰而有所影響。