我 7/2019 遇上工傷，當時我向勞工處報工傷，公司方面回覆表示對事件有懷疑，勞工處於是作出調查，直至近日認為事件無可疑，同時建議公司承擔工傷補償責任，但公司方面表示拒絕承擔責任，依家勞工處建議轉介法援告公司，我想問下我係咪應該放棄

補充少少資料：

我再睇返個醫療報告，原來醫生話有永久傷殘（永久痛），
我一年前右手肘做過網球肘手術，當時醫生幫我報職業病，
但勞工處以受傷位置不附合工種為理由，否定係職業病，
當時勞工處都係叫我申請法援，但係我冇申請。
但今次我用左手換水，但手把脫落，成枝水打落右手所以受傷，
唔知係咪咁，所以公司唔負責，我想知係咪一定要搞到上法庭先至攞到公道。

我睇過法援資料，若果申請法援「法律援助輔助計劃」打官司要比分擔費 $76000，
我擔心贏官司都未必 cover 到個分擔費，

我公司人事部成日要我同保險公司見面，我可以拒絕嗎？

根據《僱員補償條例》，假若勞工處調查後已裁決工傷成立，僱主如無合理辯解，拖欠補償款項或有關的附加費用，即屬違例，最高可被判罰款十萬元。當然，就僱主拒絕承擔工傷補償責任這方面需要 閣下透過法庭等法律途解決。

至於是否符合申請法援條件，以及是否需要分擔費用，可瀏覽https://www.lad.gov.hk/chi/las/fe.html或 諮詢正式律師的意見。由於「判傷」乃由勞工僱員補償評估委員會跟進，工傷補償責任則由僱主承擔，而 閣下是否與保險公司會面自行決定，法例並無規定僱員需要理會或接受保險公司/公證行的調查及簽署任何文件。

如需進一步協助，請致電「港九勞工社團聯會」權益熱線 2779 7922 (深水埗區：中聯行中心) 或 2779 3766 (深水埗區：朝光中心) / 2781 0983 (旺角中心) 與本會職員聯絡。
以上觀點謹供參考，意見會因當事人提供的資料是否清晰而有所影響。