本人3月份時，因工作量大減，跟公司協商下有放大假加無薪假。
在工作忙碌時會回公司幫忙，所以有時一星期都有幾日返工。
由於計糧問題，所以今個月才扣回3月薪金。

今個月公司先話只要該星期有放無薪假，就算一曰都好，
當星期都不會有休息日薪金。
我上年有放過1～2日無薪假都無扣休息日。

我係月薪長約制，合約都寫明有薪休息日。
雖然我都明一星期如果返得1日工未必有有薪休息日，
但有時我一星期返到4日(每日返8小時，即32小時，原本一星期係返44小時)多過一半都話無，
想問勞工法例有無話可以點計？
另外，勞工法例每7天可享有不少於1天休息日，係咪連續返夠7日先有？
Thank you