1. 公司計算員工AL,SL,ML都好似唔係用713去計，問過公司人事部，佢話用basic salary計，同埋我地唔係用calendar day 計，例如12月，5day同事就係21日既working days計，佢地既計法就會用我basic $10000/21*3日年假。想請問咁樣係咪唔岩？就算唔係calendar day，咁跟番713條式，好似都係要365-無薪日數？
2. 同埋，我平均每個月都有ot錢，大概每個月都有4000左右，我又有問過人事部，佢地話平均唔過20%，可以唔計？即係點？
3. 仲有，我地公司係有雙糧，不過佢個雙糧係叫year end bonus，咁係咪713 salary既一部分？係咪都要納入平均12個月工資？我聽有同事講，佢之前交通意外，炒車，同公司拎過長病假，大概2個月，4/5出糧比佢。最後佢12月睇番個bonus扣左錢，銀碼大概同之前病假扣過既錢差唔多，咁係咪唔得？公司有無犯歧視啊？
4. 我同公司簽個份合約係有寫明要做滿3年先可以有雙方term既行動，條款無寫如果要term，要賠幾多或者點做。咁我做滿左2年，想走，咁到底我要唔要賠番1年通知期金佢？
5. 如果公司係三年內想term左我，係1月term，咁我仲有無按比例有double pay?公司係每年12月尾出bonus。